Српската инфлуенсерка Дејана Бачко, позната како „девојката со крила“, сподели тажна вест дека таа и нејзиниот партнер Марко Неџиќ ја загубиле бебето.
„Мораме да споделиме со вас тажна вест – го загубивме нашето бебе во 4. месец од бременоста“, напиша таа и додаде дека на прегледот во вторникот лекарот забележал дека нешто не е во ред.
„Нашата бебе немаше развиени горни екстремитети, а срцето, иако чукаше, имаше сериозна срцева мана. Тешко е да се најдат вистински зборови за вакви моменти. Сепак, благодарни сме што лекарите навреме забележаа дека нешто не е во ред и ни помогнаа да ја донесеме најтешката одлука. Јас добро знам низ што поминав во животот и никому не би посакала исто пат“, објави таа.
Таа додаде дека во исто време се бескрајно благодарни што веќе имаат една здрава, паметна и прекрасна ќерка која е нивно најголемо богатство и секојдневно им напоменува колку животот е вреден. Благодареше на медицинскиот тим.
Ќе ни остане тивко сеќавање на оваа борба која ја поминавме заедно. Ви благодариме сите за поддршката“, напиша таа.
View this post on Instagram
Дејана е родена без раце и стана инспирација за многумина затоа што докажа дека во тешки моменти не треба да се откажуваме. Поради тоа ја доби прекарот „девојката со крила“. Родена е во Нови Сад, а пораснала во домот „Колевка“ во Суботица. Подоцна живеела со родителите во Бачка Паланка, а потоа се вратила во Нови Сад за студии.
Таа завршила Академија за уметности, а покрај талентот за сликање, остварила и спортски успеси. Најзначајниот е што во 2019 година стана светски првак во пара-таеквондо.
