Српскиот боксер Милош Стојановиќ Тигар, момчето на Јована Јеремиќ, за првпат проговори за својата кариера, но и за својата врска со водителката.
Инаку, нивната врска привлече големо внимание од јавноста.
– Не сум навикнат на толку многу внимание, на почетокот ми беше чудно. Ми се допаѓа, но најважно е што сме среќни, што се сакаме и што сме заедно. Живееме заедно веќе два месеца и не би откривал премногу – рече Стојановиќ.
Тој исто така открил дека Јована често му готви и дека заедно се грижат за здравиот начин на живот.
– Да, таа ми готви секој ден. Ме воодушеви во готвењето! Најчесто готви здрава храна, тука се поклопивме. Таа исто така живее спартански и многу тренира. Ја јадеме заедно таа здрава храна – рекол тој.
