Пејачката Цеца Ражнатовиќ ја информираше јавноста дека нејзиниот концерт, кој беше планиран да се одржи во Будва, е откажан. Таа им изрази сочувство на семејствата на загинатите во масакрот во Цетиње.
Во Црна Гора е прогласена тридневна жалост по страшниот масакр во кој Вучко Бориловиќ (34) уби 10 лица, а рани шестмина пред да биде ликвидиран.
– Страшна вест која го потресе цел Балкан. За неколку минути неповратно згаснаа 11 човечки животи. Неизмерна е тагата и болката што ги снајде Цетиње и Црна Гора. Искрено сочувство до семејствата на невините жртви. Поради овие трагични околности и тридневната жалост во Црна Гора, концертот на Топ Хил нема да се одржи – се наведува во соопштението на Цеца.
