Кејт Мидлтон го планира своето следно кралско појавување во наредните недели по нејзиното појавување на Trooping the Color 2024, пишува Њујорк пост.
Принцезата од Велс на почетокот на јуни ги воодушеви обожавателите со тоа што му се придружи на кралското семејство за да го прослави роденденот на кралот Чарлс III на балконот на Бакингемската палата. Сега. идната кралица наводно планира да се појави и на тениското првенство на Вимблдон во јули.
„Нејзиното лекување е во тек и ќе продолжи во следните неколку месеци, но знам дека таа би сакала да присуствува на тенискиот турнир Вимблдон – таа е покровител на тенискиот турнир“, рече кралскиот експерт Емили Ендрјус.
Таа додаде дека сопругата на принцот Вилијам минува низ „добри и лоши денови“ додека продолжува со лекувањето од рак.
Како што е познато, Кејт Мидлтон е голем љубител на тенисот и таа секогаш ги следи натпреварите во кралската ложа на централниот терен.
Претходно, шефот на Ол Ингланд клубот, кој е домаќин на годишниот турнир, зборуваше за претпоставката дека принцезата ќе се појави на настанот.
„Наш приоритет е нашиот патрон да се опорави и секако немаме намера да вршиме дополнителен притисок врз нејзиното закрепнување со шпекулации за нејзиното учество на тековниот шампионат“, рече Дебора Џеванс.
