Поранешната сопруга на Аца Лукас, Соња Вуксановиќ, повторно го привлече вниманието на јавноста со објави од Истанбул, каде што престојува деновиве.
Соња на социјалните мрежи сподели фотографии и видеа од луксузни локации, а особено внимание привлече снимката од лимузина со покрив што наликува на ѕвездено небо. Следбениците во коментарите ѝ порачаа дека изгледа подобро од кога било.
Дополнителни реакции предизвика и статусот што го сподели: „Некои жени бараат принц на бел коњ, а јас барам бунда што ми оди со сè“.
Објавата предизвика поделени мислења – додека едни ја поддржаа нејзината искреност и став, други ја нарекоа материјалистка.
Инаку, Лукас во својата автобиографија отворено зборуваше за нивниот брак, признавајќи дека поради Соња се менувал и се обидувал да ѝ угоди. Тој опиша дека љубовта постоела, но и дека нивниот однос бил исполнет со турбуленции и жестоки расправии, кои оставиле последици и врз семејната динамика.
Во меѓувреме, Соња продолжува да живее на висока нога и со секоја нова објава повторно станува тема на медиумите.
