Пејачката Цеца Ражнатовиќ вели дека 2025 година ѝ донела многу разочарувања и „ножеви во грб“, особено од луѓе од кои тоа најмалку го очекувала. Во интервју за „Телеграф“ искрено зборува за предавствата, животните лекции и одлуката да ја зачува својата слобода и внатрешен мир.
„Човек учи додека е жив. Јас секогаш учев на сопствените грешки, затоа што никогаш не престанав да им верувам на луѓето. Секој е индивидуа, но во секое жито има и кукол“, вели Цеца, додавајќи дека предавството од луѓе кон кои имала емоции секогаш боли најмногу.
Таа истакнува дека со годините научила да не им придава значење на коментарите од луѓе кои никогаш не ја запознале лично, туку создале мислење врз основа на медиумска слика. „И јас сум се излажала кога сум судела за луѓе без да ги познавам. Затоа никогаш не треба да се суди однапред – бев предадена“, признава пејачката.
И покрај тешките удари, Цеца вели дека ја спасува нејзиниот ведар дух и љубовта кон животот, а најголемата сила ја црпи од своите деца. „Кога имаш деца, немаш право да се предадеш. Мораш да одиш напред, без разлика на сè“, порачува таа, истакнувајќи дека денес најмногу ја цени слободата – затоа што таа нема цена.
