Претседателот Лукашенко потпиша амандмани на Кривичниот законик.
Белорускиот претседател Александар Лукашенко потпиша амандмани на Кривичниот законик со кои се предвидува смртна казна за оние кои планираат терористички акти.
Новиот закон предвидува дека смртната казна е дозволена за подготовка на акти на меѓународен тероризам, особено против претставници на странска држава или меѓународни организации. Оваа категорија, исто така, вклучува терористички акти извршени од организирани групи или со употреба на нуклеарни централи, моќни, токсични радиоактивни, хемиски или биолошки супстанции или поврзани со кривично дело убиство, како и убиства на државни службеници или јавни личности , извршени во врска со политички или јавни активности.
Досега во Белорусија смртната казна не важеше за подготовката на овие дела, туку само за оние кои навистина се извршени. Новиот закон ќе стапи на сила 10 дена по официјалното објавување.
Предлог-законот претходно беше одобрен од двата дома на белорускиот парламент, објаснува агенцијата Риа Новости.
