Доделувањето на Influencer Awards 2020 заврши вчера (23.12.2020) со прогласувањето на победниците во деветте категории на престижниот натпревар, кој по вторпат се одржува во нашата држава во организација на редакцијата на „Убавина и здравје“.
Годинава, тој беше поддржан и од колегите во регионот, кои учествуваа во изборот на најдобрите инфлуенсери на Инстаграм.
Номинирањето на кандидатите се одвиваше од страна на публиката, по што следуваше нивната распределба во категориите Beauty, Fashion, Fitness and Health, Food, Insta Man, Insta Partents, Travel, Art и Entertainment.
Од 15.12. до 17.12.2020 гласаше публиката, а потоа на сцената излегоа членовите на стручното жири, кои гласаа во текот на следните три дена.
На 22.12.2020 (вторник) уредничката на „Убавина и здравје“, Јована Стојменовиќ, преку видеообраќање на инстаграм-профилот @ubavinaizdravje.mk го додели специјалното признание U&Z Heroini.
„Хероина или жена-херој, жена што нè инспирира да бидеме подготвени за поголеми дела од оние на кои сме навикнале да ги правиме во зоната на комфорот. Испраќаме поддршка до сите медицински сестри преку Унијата на Здружението на медицински сестри, техничари, акушерки и стоматолошки сестри @zanas.mk. Вие сте наши хероини!“, порача Јована Стојменовиќ во името на редакцијата на „Убавина и здравје“.
Победниците беа прогласени преку видеоматеријали, а еве кој ги понесе признанијата за највлијателни инфлуенсери: @darkovlogs беше одбран за победник во категоријата Entertainment, @lazarovv во категоријата Insta man, @iv.s.arts___ во категоријата Art, @daveskitchenofficial во категоријата Food, @sandra_kirkov во категоријата Travel, @aleksandrashijakoska во категоријата Fashion, @annstojanova во категоријата Fitness and Health, @kosichmakeup во категоријата Beauty и @aktivnosti_za_deca во категоријата Insta Parents.
Изборот го заокружи видеообраќањето на водителот Марко Новески, кој цело време ги водеше следбниците, учесниците и публиката низ вториот избор Influencer Awards 2020, во кое ги прогласи четворицата победници според гласовите на публиката: @magnolia.glamour во категоријата Beauty, @maltezerka1 во категоријата Travel, @d.di.art во категоријата Art, @cookingwithbranko во категоријата Food.
Сите победници добиваат статуетки и подароци од „Убавина и зравје“ и од покровителите на изборот.
Вториот избор Influencer Awards 2020 година, се одржа во многу тешка година за сите нас, во услови на карантин, па веруваме дека претставува една светла точка во морето негативни вести што преовладуваат на социјалните мрежи.
