Познато е дека некои од најголемите рокери и поп-пејачи имаат напишано многу песни за своите колеги – народњаци.
Меѓу таквите е босанскиот кантавтор Дино Мерлин кој ги има напишано едни од најголемите хитови за Весна Змијанац, Лепа Брена, Цеца Ражнатовиќ, но и Бата Здравковиќ.
Една од првите колешки со кои соработувал е Лепа Брена. Мерлин ги има напишано двата хита: „Јаблане“ и „ Игра, драги“, кои се најдоа на нејзиниот албум од 1989 година.
И Весна Змијанац може да се пофали дека соработувала со врвниот музичар. Покрај нивниот дует „Кад замиришу јорговани“ од 1988 година, за својата пријателка напишал и други песни. На еден од најпопуларните албуми на Весна, „Сватови“, се нашле и неговите песни „Сама“, „Сто живота“, „Ово у грудима“. По три децении од тој албум, Змијанац повторно го врксти гласот со Дино и заедно ја отепаа „Клупко“ во 2008 година.
Исто така и Цеца може да се пофали дека има песни кој ги напишал Мерлин. На албумот „Шта је то у твојим венама“ од 1993 година, Мерлин направил две песни. Тоа се вооедно и најпопуларните од тој албум – „Жарила сам жар“ и „Заборави“. Цеца за една од нејзините најубави песни во кариерата „Београд“, исто така може да му се заблагодари на Дино.
– За мене Дино Мерлин намеснки ја направи песната „Заборави“ и кога и да ја свиреше таа песна, ми велеше дека има уште една преубава која е за да се испее во дует. Но, бидејќи тогаш беше војна, тој не можеше да пее песна за Београд. Ми кажа дека само јас ја имам таа емоција и ми ја подари таа песна.
