Пејачката Тамара Тодевска, која од мај 2023 е во врска со архитектот Лука Радовиќ, му посвети емотивна роденденска честитка на својот сакан.
Таа сподели видео-компилација од приватни моменти од нивната врска, кои ги снимала во изминатиот период. На снимките се гледаат заеднички патувања, моменти на плажа каде Лука и синот на Тамара, Дарен, заеднички градат замок од песок, како и романтична сцена во која пејачката го бакнува својот сакан.
Видеото завршува со топол гест од Дарен, кој со насмевка носи роденденска торта со свеќички за Лука, а Тамара на видеото напиша: „Среќен роденден, љубов моја.“
За да ја долови атмосферата, пејачката ја избра песната „Love“ од Лана Дел Реј како музичка подлога, додавајќи уште една емотивна нота на роденденската честитка.
