Марко Миљковиќ, поранешен учесник на ријалити-програмите, на социјалните мрежи ја сподели најтажната вест – неговиот татко починал.
Тој објави црно-бела фотографија на која е со својот татко, а под неа напиша потресна порака:
„Чувај ја мама. Три години е сама. Почивајте во мир, ве сака вашиот син.“
Таткото на Марко, Добривоје Миљковиќ, ретко се појавуваше во јавноста и не сакал медиумска експонираност.
Единствениот пат кога проговори за медиумите беше по учеството на Марко и Луна Ѓогани во ријалити, кога изјави: „Марко ја сака Луна сигурно! Видов и на телевизија, а и самиот ми кажуваше. Таа би живеела кај него како царица, но мора да го почитува, да не лаже и да не гледа во друг. Марко нема да ја изневери, тоа не му е карактер. Од женската страна тоа е најголема грешка.“
Ова е втора голема трагедија за семејството Миљковиќ. Пред три години, Марко ја загуби и мајка си, Недељка, која почина ненадејно во Брус. Од неа тогаш се прости со емотивна објава, а истото го направи и неговата сопруга Луна Ѓогани, која беше многу блиска со свекрва си.
