Актерот Том Хенкс и неговата сопруга, исто така актерка Рита Вилсон, неодамна објавија дека се заразени од коронавирус, па се наоѓаат во карантин во Австралија, а славниот актер сега испрати моќна порака до своите следбеници на Инстаграм.
Парот добива поддршка од сите страни на светот, а тие покажаа дека не го губат ведриот дух и оптимизмот, како и дека се придржуваат до сите упатства и совети на лекарите.
Актерот на својот Инстаграм објави слика од еден оброк, а покрај тоа апелираше дека сите треба максимално да се грижат како за себе, така и за другите.
„Фала на сите кои ни помагаат. Ајде сите да се погрижиме за себе и за другите“, напиша Хенкс под фотографијата на која се гледа дека јаде препечен леб и џем, додека се наоѓа во изолација.
