Владата ги дополни вчера донесените мерки за справување со коронавирусот. Упатена е препорака до Јавното обвинителство да даде упатства и препораки за итно и приоритетно постапување на сите јавни обвинителства во државата во постапките процесуирани од страна на надлежните институции во врска со донесените одлуки, мерки и препораки од страна на Владата на и другите надлежни државни институции.
Владата им препорачува на сите работодавачи, односно на секое раководно лице во институциите, во зависност од типот на работата и можностите, да ја организира работата и начинот на работата на вработените лица преку работа од дома, без да се наруши редовното и нормалното функционирање на институцијата.
Владата донела и Одлука за изменување и дополнување на Одлуката за мерки за спречување на внесување и ширење на коронавирусот со која се затворааат сите копнени гранични премини во државата за премин на патници и возила, освен граничните премини Табановце, Деве Баир, Ќафасан, Богородица и Блаце.
На граничните премини кои се затворени за премин на патници и возила, се дозволува исклучиво премин на товарни возила.
The post Владата препорачува каде е можно да се организира работа од дома appeared first on Слободен печат.
