Босанскиот пејач Халид Бешлиќ сподели неколку детали од приватниот живот, а се осврна и на врската со сопругата Сејда со која е во брак повеќе од 40 години.
Тој раскажа како и каде се запознале, и што морале да надминат во текот на долгите години од нивниот заеднички живот.
„Не ја запознав сопругата за време на настап. Нас нè запозна мојата свеска, сестрата на мојата сопруга, која работеше во кафаната во која настапував. Сејда не излегуваше по кафеани. Кога се запознавме, веднаш увидов дека тоа е тоа. Ние се забавувавме половина година и веднаш потоа се венчавме. Толку години функционираме и заедно сме и ден-денес. Имаше и тешки години во нашата врска, но се надминавме“, изјави Бешлиќ за „Курир“, а пренесе „Вечерњи лист“.
Исто така, проговорил и за здравствената состојба на неговата сопруга, односно за периодот кога се соочувала со тумор на јајниците.
„Не го почувствував моментот кога бев татко. Имам само едно дете. Мојата сопруга имаше проблеми со јајниците и поради тоа не можевме да имаме повеќе деца. Имаше тумор на јајниците, кој го решивме со операција. Ништо никогаш не им недостигало… Постојано патував, работев… не можеш да се занимаваш со музика и да си дома цело време, затоа велам дека тие моменти не ги почувствував на вистински начин“, вели пејачот.
Посочува дека му недостигаат колегите и дека нема со кого да пие кафе.
„Ми недостига младоста! Времето минува… нема да се врати, но ми недостига мојата младост. Што се однесува до колегите, многу ми недостигаат… Мојата генерација полека нè напушта, немате со кого да пиете кафе сега. Таму има и помлади, но не сакам да бидам со нив. Најмногу ми недостигаат Кемал Монтено и Давор… Бев многу близок со нив“, изјави Монтено.
