Ела Дворник не можеше да го сокрие емотивниот момент кога се потсети на својот татко, легендарниот „крал на фанкот“ Дино Дворник, кој денес ќе го наполнеше 61 година.
Познатата инфлуенсерка на социјалните мрежи објави фотографии од својот татко, придружени со порака која разнежни многумина:
„Татко ми денес ќе имаше 61 година. Наместо да жалиме што го нема, повеќе сме среќни што имавме можност да го имаме. И понатаму живее во приказните на келнери, музичари, случајни минувачи и таксисти, кои секојпат ни откриваат некоја нова анегдота за него. Често велам дека, всушност, живеел стотици животи – а ние сè уште откриваме нови,“ напиша Ела.
Под објавата се нижеа коментари од фанови: „Беше најдобар“, „Само еден е Дино“, „Пред своето време, вистински крал“, „Нема добра веселба без твојот татко“.
Да потсетиме, Дино Дворник почина на 7 септември 2008 година, само неколку дена по својот 44. роденден. Причината за смртта беше кобна комбинација на антидепресиви, апчиња за смирување и лекови против болка.
