Се уште се памети настапот на Тамара Тодевска на годинашната „Евровизија“ со фантастичната изведба на емотивната и силна песна „Proud“.
Впрочем ова беше и нашиот најголем успех на најголемото музичко натпреварување во светот.
Со евровизиската песна, веќе популарната Тамара успеа да го пробие патот и надвор од границите на Македонија, па таа досега имаше настап во Шпанија, Данска и Германија.
Во Мадрид настапуваше овој викенд, а дека Тодевска направила одлична атмосфера говорат и фотографиите и видеата на социјалните мрежи.
