Генерал Стојанче Ангелов се присети на времето кога беше во коалиција со Бранко Црвенковски, во 2012 година, кога Црвенковски беше претседател на СДСМ.
Ангелов во емисијата „Еден на Еден“ на Жаре му раскажа дека тој потекнува од патриотско семејство.
Во тоа време му било непријатно да ѝ каже на неговата мајка дека на избори ќе оди во коалиција со Црвенковски, кој не ѝ бил меѓу омилените политичари, па неговит брат нашол начин како да избалансира, ѝ ја излажал мајката дека Стојанче ќе работи како обезбедување кај Црвенковски.
– Седиме ние на масата, јас Бранко Црвенковоски од едната страна и Љупчо Георгиевски од другата страна , Андреј Жерновски и претставникот на Обединети за Македонија, и сите имавме краток говор, слики многу направија, објавија сите портали. Мајка ми е возрасна, не чита портали, бидејќи благодарение на моето учество во војната, мајка ми безмалку го изгуби видот поради шеќерот. И брат ми ми ѕвони и ми вика: Брат, не се секирај, на мама не ѝ кажувам дека си во коалиција со Бранко Црвенковски. Ја излажав дека си му бодигард. Мамо, мора да живее од нешто. Тој друго не знае, знае да обезбедува, и нашол работа кај Бранко Црвенковски – му раскажал Стојанче на Жаре.
Емисијата со Ангелов ќе се емтува во недела, на Канал 5 од 18.30. Во најавата, Жаре вели дека тој и Стојанче играле опасни игри.
