Поранешниот тапанар на Guns N’Roses, Стивен Адлер, итно е пренесен во болница со убодни рани, за кои се претпоставува дека самиот си ги нанел.
Според полицијата во Лос Анџелес, кога пристигнале на адресата каде било пријавено дека има личност што крвари, го забележале музичарот со убодна рана во стомакот.
За среќа, се работи за плитка убодна рана, а сите наоди досега покажуваат дека Адлер самиот си ја нанел.
Тој подолго време се бори со зависноста од наркотични супстанци, а во 2011 признал дека веќе имал обиди за самоубиство во минатото.
