Пејачот Огнен Здравковски сподели убави семејни вести и фотографии со посебен повод.
Неговата мајка, познатата пејачка на народна музика Софче Џорлева се пензионираше од Националната опера и балет каде што го помина работниот век и го прослави својот 64 роденден.
Многу гости, весела атмосфера, и Огнен кој запеал специјално за својата мајка се дел од сликите и видеата кои ги сподели пејачот.
Софче е ќерка на легендарниот музичар Наско Џорлев, а сестра на познатиот виолинист Зоран Џорлев, кој за жал почина на 1 јануари во 2021 година, а таа тешко ја поднесе загубата на својот брат со кој беше многу блиска.
Огнен неодамна ѝ посвети емотивна објава на мајка си по повод пензионирањето.
„После цели 40 години поминати на сцената во Македонска Опера и Балет, со безброј претстави, аплаузи и незаборавни моменти, мојата мајка заминува во заслужена пензија. Живот посветен на сцената, на уметноста и на публиката. Љубовта кон сцената не се мери со години и таа никогаш не се пензионира. Горд сум на се што остави зад себе, чест ми е што ја делевме сцената заедно и уште погорд што сум твој син. Да си ми жива и здрава мамо и уште многу долги години да си ја трошиш пензијата. Те сакам“, напиша Огнен за мајка си.
