Пред неколку дена Шарлиз Терон присуствуваше на хуманитарниот настан „Africa Outreach Project Fundraiser“, а за таа прилика облекла фустан кој привлече големо внимание.
Глумицата се појави во мини-фустан со златна боја, кој сите ги остави без збор.
Терон се определила за фустан без прерамки, а ако се загледате малку повнимателно, ќе сфатите дека пред вас е вистинско мало ремек-дело.
Фустанот на Терон е украсен со бројни детали, односно рачно шиен вез од материјал сличен на кожа со златна боја. Фустанот го шиеле дури 1.200 часа, што не е реткост кога станува збор за тоалетите со потпис на модната куќа „Диор“.
