Мексиканско-американската актерка Селма Хаек (53) знае како да го привлече вниманието. 53-годишната актерка без шминка направи секси селфи фотографија, па погледнете како Селма ужива во домот за време на пандемијата на коронавирусот.
Имено, таа позираше во својот базен во вилата во Лондон и покажа како изгледа без шминка, но го покажа и своето бујно деколте, кое често го истакнува во прв план.
Претходно оваа недела оваа убавица, која веќе долго време се смета за еден од најголемите секс-симболи, изјави дека таа не се чувствувала како убавица секогаш и дека имала големи несигурности поврзани за својот изглед.
– Моите омилени денови се оние без шминка и кога не се гледаш во огледало бидејќи размислуваш за тоа како изгледаш. Само си присутен и ја правиш својата работа, изјави актерката.
– И ова е најдобрата работа – кога не носите шминка, кога не размислувате „како изгледам без шминка“ или пак „ја заборавив шминката“. Кога само го живеете животот и не ви е воопшто приоритет тоа како изгледате, заклучи таа.
Хаек призна и дека имала многу несигурности кога била помлада, од кои доста научила.
– Кога ќе ги погледнам фотографиите од своите 30-ти или 40-ти години, се гледам себе си како многу поубава од тоа што мислев дека сум убава во тоа време. Многу се критикував себе си. Сега кога ќе се погледнам во огледало, тоа се мани кои сега не ги гледам и само се прашувам колку ќе се сакам себе си за 10 години, додаде таа.
Хаек во последните два месеци беше изолирана во својот дом во Лондон со својот сопруг Франсоа Анри Пино (57) и со ќерката Валентина Палома (12).
