Босанската пејачка Џејла Рамовиќ има само пофални зборови за колешката Александра Пријовиќ, која распродаде неколку арени ширум регионот.
Рамовиќ неодамна присуствуваше на концерт на Пријовиќ во Белград со пријателка.
И покрај тоа што Пријовиќ, во моментов, е една од најбараните пејачки на нашите простори, некои го оспоруваат нејзиниот успех.
„Таа го заслужи сето тоа и навистина секоја чест за неа и нејзиниот тим. Мислам дека тие навистина работат одлична работа и тие два албума немаа ниту една погрешна песна. Луѓето уживаат во нејзините концерти“, изјави таа за Гранд.
Таа откри и што мисли дека е клучот за успехот на Пријовиќ:
„Напорна работа, труд кој трае со години, посветеност, песните и, секако, гласот!“.
