Пејачката Милица Тодоровиќ, која веќе неколку месеци е во врска со богатиот бизнисмен Марио од Загреб, наскоро ќе стапи во брак.
Според информациите, Милица и Марио планираат свадба оваа година, но венчавката ќе биде само граѓанска, пред матичар. Причината за оваа одлука е тоа што Марио е католик, а Милица православна, па се договориле да не прават црковна церемонија.
Неодамна, наводно, Марио ја запросил Милица со прстен вреден 150.000 евра.
– Милица и Марио се лудо вљубени. Кога ја запроси, веднаш прифатила со воодушевување. Не ни претпоставувала дека ја чека вакво изненадување, а прстенот ја оставил без зборови. Иако сите околу неа се пресреќни, таа сè уште не сака да зборува јавно за љубовниот живот, бидејќи во минатото имала лоши искуства. Планот е венчавката да се одржи годинава, најверојатно во тајност – открива извор близок до двојката.
– Нејзините родители посакуваат традиционална свадба, но парот ќе најде компромис. Најважно е што се сакаат – додава изворот.
Инаку, Милица претходно изјавила дека ја замислува својата свадба на некое острово, покрај плажа, со мал број гости.
– Големите свадби се хаотични, младоженците не можат ни да уживаат, само се поздравуваат и фотографираат. Тоа е вистински циркус – изјавила Тодоровиќ.
