Правнуката на кралицата Елизабета, Зара има веќе две девојчиња, а поради спонтаните абортуси за кои и јавно говореше, бременоста во 39-та година уште повеќе и значи.
Зара Тиндал, правнуката на британската кралица Елизабета го очекува третото бебе.
Зара е ќерка на принцезата Ана, (ќерката на кралицата Елизабета) и Марк Филипс и оваа среќна вест ја откри во подкастот „The Good, The Bad & The Rugby” во кое учествуваше како гостинка.
„Ова беше добра недела. Бев на ултразвук. Третото бебе Тиндал е на пат!“, изјави пресреќната принцеза Зара.
Зара и 42-годишниот сопруг Марк, поранешен професионален играч на рагби, веќе имаат две девојчиња, 6-годишната Миа Грејс и 2-годишната Лена Елизабет, а во брак се од 2011 година.
Зара веќе неколку пати зборуваше за проблематичните бремености и двата спонтани абортуси кои ги преживеа, поради кои веста за бременоста во 39-та година за неа е многу значајна.
Две трудници во семејството
Нивното бебе ќе биде во добро друштво бидејќи во кралското семејство во 2021 година пристигнува уште едно дете. Принцезата Евгенија, ќерката на принцот Ендру и Сара Фергусон, со сопругот Џек Бруксбенк неодамна исто така објави дека е бремена.
