И покрај тоа што поминаа 24 години од нејзината смрт, принцезата Дијана сè уште е главна вест во сите светски медиуми. Секоја година на годишнината од нејзината смрт, излегуваат нови детали за животот и смртта на омилената принцеза, а многу жени сè уште го копираат нејзиниот стил на облекување и шминкање.
Модните експерти во Обединетото кралство честопати го споредуваат стилот на принцезата Дијана со стиловите на нејзините снаи-војвотката Кејт и Меган, а сопругите на синовите на Дијана го наследија и нејзиниот накит.
Меган Маркл, ако веруваме на нејзината сестра Саманта, на првиот состанок со принцот Хари носела еден од омилените парфеми на принцезата Дијана.
Постојат различни тврдења за омилените мириси на покојната принцеза, а најчесто се споменуваат три мириси. Наводно, принцезата го носела Бенбел на Пенхаликон на денот на нејзината венчавка со Чарлс.
Во позрела возраст, Дијана, според нејзиниот поранешен батлер Пол Бурел, го обожавала Хермес 24 Фабур, а како друг омилен парфем на Лејди Ди, се споменува Quelques Fleurs од Houbigant Paris.
