Ќерката на мејкап могулот и ријалити ѕвездата Кајли Џенер, Сторми Вебстер, за Ноќта на вештерките дефинитивно може да го заземе првото место. Малечката Сторми ја копираше својата мајка и буквално беше мини копија од неа.
Сторми не носеше било која модна комбинација на мајка си, туку го носеше познатиот аутфит од Мет Гала 2019.
Малата Сторми носеше своја верзија на виолетовиот фустан со пердуви и кристални, а комбинацијата ја усоврши со кристална чанта и виолетова перика.
Но Сторми не беше единствената што ја освои Ноќта на вештерките. Кајли и нејзината најдобра пријателка Анастасиа Караниколау, повторно го „оживејаа“ легендарниот момент помеѓу Мадона и Бритни во 2003 година од MTV Video Music Awards.
