Песната „Змај“ на Индира Радиќ е добро позната на целиот Балкан, но зад овие љубовни стихови се крие многу тажна приказна.
Авторката Марина Туцаковиќ најпрво сакала оваа песна да ја продаде на Цеца, но потоа се решила за Индира.
Се работи за момче и девојка кои се запознале и засакале уште во школските денови, нивната љубов била голема и сакале да се венчаат. Но, девојката се разболела од рак. Морале да ги откажат сите планови бидејќи требало да се лечи во болница.
Болеста била во одмината фаза и нејзе ѝ било јасно дека мали се шансите да преживее. Таа на своето момче му напишала писмо и го замолила да го прочита откако таа ќе умре. Тој од тага се опил и го прочитал уште истата вечер. Наредниот ден девојката починала.
Момчето го чувало писмото цели 15 години, по што решил да го продаде на Марина Туцаковиќ. Таа од писмото направила текст за песна, која важи за една од најтажните и најубавите љубовни песни на српската естрада.
