По победата на Данкан Лоренс во Тел Авив, со песната „Arcade“, Евровизија 2020 се сели во Холандија.
Шеесет и петтото издание на фестивалот ќе се одржи во градот Ротердам, кој го победи конкурентото Мастрихт, соопштуваат од ЕБДУ.
Полуфиналињата ќе се одржат на 12 и 14 мај, додека финалето на 16 мај 2020, во познатата ротердамска арена „Ахој“.
„Ротердам покажа голем ентузијазам и ангажман, а во исто време има вистинска инфраструктура за да биде домаќин на делегации од повеќе од 40 држави“, изјави извршниот продуцент на Песна на Евровизија, Јон Ола Санд.
Годинашната победа на Холандија е прва после 1975 година. Досега тие петпати го организирале Изборот на песна на Евровизија.
