Роби Вилијамс (46) во кариерата си приуштил многу задоволства, но имал и доста лоши финансиски потези. Тој има купено пет луксузни автомобили наеднаш, а замислете, нема возачка дозвола, ниту пак планира да ја има.
Поп-ѕвездата призна дека во младите денови не водел многу сметка со парите кои ги заработува, па така и решил да има богат возен парк, без разлика што не е возач.
– Проблем беше што тоа време бев кај Елтон Џон и се воодушевив од неговата гаража, во кои имаше Ферари, Астон Мартин и уште неколку други луксузни автомобили. Бев млад и тоа страшно ме импресионираше. Истиот ден си нарачав пет автомобили за мене. По неколку дена се прашав зошто ми требаше сето тоа, па за брзо време ги продадов – раскажал Вилијамс во едно интервју за британско радио.
На прашањето како сè уште нема возачка дозвола, пејачот објаснил дека за тоа никогаш немал интерес, па веројатно нема и никогаш да положи додека го вози некој друг.
