Во врска се од 2017 година, а се венчаа една година по големата кралска свадба на принцот Хари и Меган Маркл.
Холивудскииот продуцент Тревор Енгелсон (43), поранешен сопруг на војвотката Меган Маркл (38), објави на Инстаграм дека тој и сопругата Трејси Курланд (33) го очекуваат своето прво дете, пренесува „Мирор“.
Вљубените треба да добијат девојче во септември оваа година, а тој ја објави среќната вест со фотографија на која позира заедно со сопругата со маска на лицето додека ја допира за стомакот.
– Идната мајка на годината и таткото на девојчето кое ќе биде надвор од неговата лига. Нешто најдобро што сум направил во животот – напиша Тревор покрај фотографија.
Продуцентот ја запроси богатата наследничка само две недели по кралската свадба, а во врска се од ноември 2017 година.
Тревор првично беше силно погоден поради раскинувањето со Меган.
Кога раскинале, војвотката од Сасекс преку пошта му го испратила дијамантскиот венчален прстен. Иако биле во врска седум години, а две години во брак, Меган и Тревор одлучиле да се разведат поради „непомирливи разлики“.
