Комичарот на Saturday Night Live во едно неодамнешно интервју ја официјализираше својата врска со Ким Кардашијан, додека Канје беше забележан на вечера со девојка многу слична на неговата поранешна сопруга.
Ким Кардашијан и Канје Вест продолжуваат да испраќаат пораки од далечина: секоја акција на едниот одговара на одговорот на другиот, помагајќи да се разгори она што претставува денес најозборувана и најјавна разделба во последниве години.
А сега се вмеша и комичарот на Saturday Night Live, Пит Дејвидсон, кој веќе неколку месеци е во врска со најпознатата девoјка од семејството Кардашијан.
За време на интервјуто објавено за магазинот People, комичарот зборуваше за различни аспекти од неговиот професионален и приватен живот. Во врска со Ким, направи значаен чекор напред. Зборувајќи за слободното време,кое го поминува надвор од сетот, тој откри дека во најголем дел го поминува со своите пријатели и со неговата девојка Ким. Никогаш претходно Ким не ја нарекувал „својата девојка“. Па така фановите заклучија дека приказната меѓу двајцата оди добро.
За време на интервјуто, Пит исто така подвлече како врската со инфлуенсерката, која започна околу октомври 2021 година, не предизвикала никаков стрес во неговиот живот, напротив – задоволство и спокој. Тој, всушност, изјави дека немајќи профили на Твитер и Инстаграм се чува подалеку од муабети и озборувања и дека затоа ништо не му се променило во секојдневниот живот, иако сега постојано е во центарот на вниманието.
Канје, сепак, не стои со скрстени раце: веќе некое време се забавува со Џулија Фокс, и покрај неодамнешните гласини дека нивната врска е веќе во криза. Пред неколку вечери, сепак, раперот беше забележан во ресторанот Нобу во Малибу без Фокс. Истата вечер на истото место била забележана и моделката Чејни Џонс, облечена во многу тесен комбинезон, кој многу потсетува на оние на Баленсијага, кои често ги носеше Ким. Оваа силна сличност не ги одбегнала највнимателните набљудувачи, што ги подгреа гласините дека Чејни би можел да вечера со Канје, односно да започнуваат врска.
Kanye West flaunted his fit figure tonight while having dinner with a Kim Kardashian lookalike at Nobu Malibu. Check out the photos: https://t.co/h9PusaP0sX
— JustJared.com (@JustJared) February 8, 2022
