Откако Ким Кардашијан минатата година беше забележана на прошетка со рана на лицето, откри дека станува збор за нејзината псоријаза. Ким со оваа автоимуна болест се бори веќе со години.
Меѓутоа, Ким не е единствената која се бори со оваа болест.
Манекенката Кара Делавињ претходно има зборувано за тоа. Прв пат псоријазата ѝ се појавила во 2013 година и тоа поради големиот стрес на работа и натрупаниот распоред.
„Луѓето во модниот свет немаа разбирање. Некои носеа ракавици бидејќи не сакаа да ме допираат, мислеа дека е тоа шуга. Тоа е единствената причина зошто преминав во глумата. Освен псоријазата, патев и од депресија и вознемиреност“, рекла Кара.
Поранешниот фронтмен на „Oasis“ Лиам Галагер исто така пати од псоријаза и има рани и осип по целото тело.
Лејди Гага проговори за својата фибромијалгија и Лена Данам, која беше многу отворена за ендометроиза.
Сестрите Хадид боледуваат од хронични болести. Бела има лајмска болест, која се добива од гризнување од заразен крлеж. Џиџи боледува од Хашимото болест на тироидната жлезда и затоа веќе со години е на лекови.
Пејачката Селена Гомез боледува од лупус, автоимуна болест поради која одреден период одела на хемотерапија, а поради компликациите морала да добие и трансплантација на бубрег.
