Холивудскиот актер Бред Пит со децении наназад важи за еден од најпопуларните светски актери и има армија фанови. Британецот, Нејтан Мидс, градежен работник, се најде во голем проблем бидејќи многу наликува на славниот актер.
„Никаде не можам да одам. Не можам да купувам во продавница бидејќи сите се туркаат мислејќи дека сум Бред Пит“, изјавил Нејтан.
Поради неверојатната сличност со Бред Пит, Мидс признава дека луѓето од него често бараат автограм, како и дека сакаат да се фотографираат со него.
Не сум од оние фраери кои мислат дека се згодни и привлечни. Сум бил со многу девојки, но никогаш не сум сметат дека сум еден од оние мажи кои на сите им е привлечен, наведува Нејтан.
Тој истакнува дека му пропаднала врска затоа што личи на Бред Пит.
Навистина и сметаше тоа што девојки стално ми приоѓаа и сакаа да се сликаат со мене, заклучува Нејтан, кој сега е во врска со девојка која нема проблем што Нејтан го мешаат со Брет Пит.
