Младата ѕвезда Александра Пријовиќ синоќа го одржа својот втор концерт во хрватскиот град Риека и за време на истиот се обрати пред публиката за непријатната ситуација што ѝ се случила.
За малку ќе морала да го откаже, бидејќи претходната вечер го загубила гласот, но сепак реши да се појави и да ја испочитува својата публика.
„Ќе кажам нешто што можеби не треба, но утрово кога се разбудив немав глас, не се сеќавам кога последен пат сум била олку болна. Но, верувајте ми, вечерва се чувствувам поздраво од било кога. Сакам да уживате, бидејќи јас навистина уживам со вас“, рекла пејачката и добила овации, пренесе „Ало“.
Да потсетиме, Александра Пријовиќ ја продолжи својата успешна турнеја, а сега е на хрватското приморје, каде што одржува концерти во Риека.
Бидејќи на оваа турнеја заработи милиони, барем според многу пресметки, Прија не жали кога е во прашање нејзиниот тим.
Имено, таа изнајмила квалитетно сместување за своето семејство во еден од најлуксузните хотели. И за семејството и за тимот што ја придружува на концертите, кој брои повеќе од 60 членови.
