Неверојатните фотографии направени во 2019 година за списанието „GQ“, благодарение на фотографот Лахлам Бејли беа толку популарни што Бред Пит реши да искористи една од нив за својата кампања со која го најави лансирањето на скапи вина со негов потпис.
Кога некој е толку славен низ цел свет, холивудска ѕвезда со години, тогаш не е ни чудо што точно знае што е потребно доколку сакате да промовирате сопствен бренд.
По повод издавањето на „Miraval Rosé 2020“ кое треба да се појави на пазарот на почетокот на февуари, Брет Пит реши да ја почне првата кампања чие заштитно лице е самиот тој.
Иако не направи специјална фотосесија за тоа, тој искористил фотографија направена во 2019 година за време на снимањето на насловната страница на списанието „GQ“, за што апсолутно никој не може да го обвини. Вака Бред Пит, реши да им соопшти на луѓето ширум светот кое розе вино го произведува.
Инаку, ова вино е произведено на француски имот што го купил заедно со неговата поранешна сопруга Анџелина Џоли, а на кое минатото лето ја однесе неговата, сега веќе поранешна девојка, германската манекенка Никол Потуралски.
Црно-белата фотографија што тој решил да ја искористи за кампањата ја направи славниот фотограф Лахлан Бејли, на која Брет Пит е целосно опуштен уживајќи во сончевите зраци покрај базен, облечен во џемпер и долги панталони, со капа и очила за сонце.
На имотот во Франција, во сопственост на поранешните сопружници, се произведува вино уште од 2012 година кога тој и Анџелина го купија, но ова е втор пат да користи своја фотографија за промоција на брендот.
Преземено од Слободен Печат.
