Уживањето во комфорот, без губиток на шик факторот, сега стана уште полесно…
На сцена стапуваат I love Barogue бањарките на брендот Versace кои ќе го редефинираат луксузниот комфор, додека ви даваат прилика да оставите вистински моден впечаток со кој можете да се истакнувате.
Направени од 100 отсто чист памук, овие раскошни бањарки се дефинитивно остварување на соништата за сите љубители на брендот.
Инспирирани од класичната барокна ера каде архитектурата и уметноста владеат, новите Versace бањарки се креирани од нежен, памучен фротир, со Versace логото преку целата своја површина. Тие исто така содржат и принт од славната глава Медуза, која е симбол на моќта и силата од грчката митологија. Покрај црно-златните ракави, реверот, ременот и џебовите, оваа бањарка зрачи од луксуз од секој можен агол.
Наш фаворит е секако жолтиот модел, но мораме да нагласиме дека овие бањарки се достапни и во други кралски нијанси – од бела до префинета темно сина, содржејќи ги истите детали и големини. За сега, тие можат да се купат преку онлајн продавницата на брендот, по цена од 424 долари.
