Откако светските медиуми неколку недели пишуваа за лошиот однос на Кејт Мидлтон и Меган Маркл, тие не се ни потрудија да ја сокријат непријатноста меѓу нив.
И покрај тензиите меѓу принцот Вилијам и принцот Хари, браќата чекореа еден покрај друг на одбележувањето на Денот на сеќавањето, кој секоја година се празнува во знак на сеќавање на настраданите во Првата светска војна.
На споменатото случување можевме да ги видиме и војвотката од Кембриџ Кејт Мидлтон и војвотката од Сасекс Меган Маркл, кои одлучија да бидат одалечени неколку метри и во ниту еден момент не се фотографирани ниту видени заедно, што претходно не беше случај кога тие се појавуваа фамилијарно.
Кејт Мидлтон седеше на балконот на Канцеларијата за странски работи и Комонвелт во друштво на кралицата Елизабета II и Камила, сопругата на принцот Чарлс, додека Меган беше на друг балкон со (според хиерархијата нешто пониско рангирани членови на кралското семејство), Софи, сопругата на кралскиот син Едвард и грофицата Весекс и Тим Лоренс, тетинот на Хари.
Кејт носеше капут со потписот на Александар Меквин кој се истакнува со војниот стил, додека Меган се појави во црн капут со појас и црн фустан.
