Тие се доказ дека модата повторно се враќа…
Можеби пред неколку години би се насмеале кога некој би ни кажал дека сандалите на лепенки повторно ќе станат моден тренд, но се чини дека навистина дојде тоа време.
Имено, пристигнаа „daddy“ сандалите, и тоа во луксузни верзии.
На последните модни ревии на дизајнерите како Gucci, PRADA и Anne Sui единствени обувки кои моделите на пистата ги носеа беа овие сандали.
За нештата да бидат уште подобри (или полоши) во повеќето случаи беа презентирани заедно со чорапи, што е моден прекршок број еден.
Меѓутоа и покрај нивниот непривлечен изглед, овие сандали се многу удобни и даваат одлична потпора на стапалата при долги прошетки па затоа можеме да ги наречеме „здрав моден тренд“.
Доколку се одлучите да ги купите, не мора да дадете цело богатство за нив. Сигурни сме дека и обичните немаркирани производители веќе ги изработуваат еднакво привлечните примероци.
[ReviewDisclaimer]
