Пејачот Огнен Здравковски сподели емотивна приказна за својот покоен дедо, легендарниот музичар Наско Џорлев, како и за својот покоен вујко, Зоран Џорлев, за кого рече дека му е музички идол.
„Вујко Зоки ќе ми биде идол додека сум жив, така ќе биде“, рече Огнен во поткастот „Проверитас“. Потоа сподели како токму со Зоран Џорлев почнал да свири како мал.
„Никогаш немало притисок, на сила да ме тераат: ‘Еј, ти да пееш, да свириш’, не. Туку јас од мал имав едно пластично виолинче, со три годинки, со тоа виолинче одев секаде со вујко ми. И секогаш ми биле најголема поддршка, тргнувајќи од татко ми, иако он не се занимава со музика, ама и тој ми дава најголема поддршка цело време за сè. Тука е мајка ми, бог да го прости вујко ми. Многу ми е криво што јас бев многу млад кога починал дедо ми, барем да сум го фател малку дедо ми, да ми споделел некои од неговите совети, мисли, за да знам отприлика како и што да правам јас. Но ете, така требало да биде“, рече Огнен.
View this post on Instagram
