Пејачката Јелена Карлеуша повторно ја разбранува јавноста со остри коментари, овојпат насочени кон дел од естрадата и младата музичка ѕвезда Јаков Јозиновиќ.
Таа реагираше по повод големиот интерес за концертите на Јозиновиќ во белградскиот Сава центар, каде што младиот изведувач одржува серија настапи, што ретко им успева и на поискусни музичари.
Во своето обраќање, Карлеуша без задршка ги критикуваше колегите кои присуствуваат на концертите и му даваат поддршка од првите редови.
„Дали видовте колку се нашите пејачи и јавни личности бедни? Трчаат кај некаков безимен дечко, пејач на преработки од Јутјуб, само за да му се додворат“, изјави таа.
Пејачката додаде дека ваквото однесување остава лош впечаток и дека, според неа, предизвикува потсмев во регионот.
„Веројатно луѓето од Хрватска ни се смеат, не им е јасно што се случува“, рече Карлеуша.
Таа нагласи дека е горда што, како што вели, секогаш го кажува своето мислење, дури и кога тоа не е популарно.
„Среќна сум што сум контра на ваквите естрадни појави и што сум кралица на непопуларното мислење“, порача пејачката.
Инаку, на еден од концертите на Јозиновиќ присуствуваа и бројни познати личности, меѓу кои бизнисменот Горан Кариќ со сопругата Ивана Мишковиќ, како и ќерката на Здравко Чолиќ, што дополнително го зголеми интересот за настанот.
