Вечерашното финале на Евровизија се отвора со настап на минатогодишната победничка Нета, која успеа да го донесе фестивалот во Тел Авив, благодарение на впечатливата сценографија и заразниот ритам.
Кулминацијата на шоуто ќе ја донесе Мадона, која ќе настапи со безвременската „Like a Prayer“ и новата песна „Future“. Нејзиниот настап е предвиден да се случи меѓу 8. и 9. натпреварувач во финалето, односно веднаш по нашата Тамара.
Меѓутоа, на евровизиската сцена ќе се појават и многу ѕвезди кои изминатите години настапиле и останале забележани. Меѓу нив се и Дана Интернешенел, победничка на Евровизија во 1998 година. Потоа, Верка Сердучка, претставник на Украина, Кончита Вурст од Австрија, Манс Зелмерлев од Шведска и Елени Фуреира, која лани настапуваше за Кипар.
