Синот на дивата Шер во 2009 година објави дека е транссексуалец. Шер објасни зошто ѝ било тешко да ја прифати транзицијата на почетокот, иако ја поддржува ЛГБТИ заедницата.
51-годишниот Чаз Боно е единственото дете на славната двојка Шер и покојниот Сони Боно, и бил роден како девојче Честити. Чаз прво откри дека е геј, а потоа во 2009 година откри дека е транс.
View this post on Instagram
Неговата транзиција беше финализирана во 2012 година, кога исто така беше подложен на операција за промена на полот и легално го смени името.
Како што раскажа во интервју со 67 -годишната Опра пред неколку години, животот пред транзицијата не му бил воопшто лесен.
„Уште како дете се чувствував како момче, и кога влегов во пубертет и добив облини, тоа ме вознемируваше. Се чувствував како моето тело да ме изневерува затоа што правеше сè спротивно од она како се чувствував. Животот пред транзицијата беше навистина тежок“, рече тој.
Со помош на хирургија и хормонска терапија, Чаз станал човек задоволен од својот изглед. Папараците неодамна го фотографираа додека пазари во Лос Анџелес во опуштена и удобна комбинација.
View this post on Instagram
Шер објасни зошто ѝ било тешко да ја прифати промената на нејзиниот син на почетокот:
„Го слушнав неговиот стар глас на телефонската секретарка и ми беше многу тешко. Наскоро сфатив дека не сум го изгубила, туку дека тој е само во друга форма“, изјави таа за „СИ -ЕН -ЕН“.
View this post on Instagram
Шер е позната легенда и икона на ЛГБТИ заедницата, бидејќи отсекогаш ги поддржувала и се борела за нивните права.
