Пејачката Наташа Беквалац ги изненади своите следбеници на социјалните мрежи објавувајќи снимка од болнички кревет во приватна клиника. На видеото се гледа како прима инфузија, а нејзината порака предизвика различни реакции кај фановите.
„Ова е најдоброто нешто што можете да го направите за себе, своето здравје и својата убавина,“ напиша Наташа во описот на снимката. Таа објасни дека ваквиот начин на внесување витамини ѝ помага не само за здравјето, туку и за одржување на физичкиот изглед.
Иако не откри точно за каква терапија станува збор, пејачката уште еднаш покажа дека внимателно се грижи за своето здравје и изглед.
За потсетување, Беквалац неодамна го прослави 18-тиот роденден на својата ќерка Хана, за што, според медиумите, потрошила 15.000 евра.
