Лепа Брена го распродаде третиот концерт во Загребската арена и најави дека ќе одржи и четврти.
Музичката дива го најави ова за време на нејзиното гостување во хрватското радио „Екстра ФМ“.
„Уживам во оваа прекрасна зимска вечер покрај запален камин и чаша вино, многу сум среќна што се слушам со вас! Се надевам дека оваа зимска ноќ е пријатна и за вашите слушатели. Голема благодарност до публиката од Хрватска, Загреб и сите оние кои досега купија билети за 6 и 7 декември. Со задоволство можам да кажам дека и концертот на 9 декември е распродаден и свечено најавувам дека, поради големиот интерес на нашата публика, ќе имам концерт и на 10 декември“, изјави таа.
Инаку, Лепа Брена ќе настапи на 6, 7, 9 и 10 декември во Загрепската арена.
