Босанскиот пејач Дино Мерлин синоќа го одржа својот втор последователен концерт во Белградската арена. Тој го започна концертот во светкава јакна, но набрзо се пресоблече.
Мерлин пред присутните пееше во бела кошула, на која имаше интересен детаљ – цвет лилјан, кој е симбол на милосрдие и безусловна љубов, а се поврзува и со надежта и верата.
Лилјанот, познат и како крин, е веројатно единствениот цвет кој во себе го комбинира владарското, достоинствено држање, страстниот, речиси опоен мирис, а сепак успева да ја задржи својата вродена нежност и невиност. Поради овие карактеристики, лилјаните отсекогаш се сметале за симбол на милосрдие и безусловна љубов. Покрај очигледната убавина, со која зрачи речиси секој претставник на овој вид, тие се директно поврзани и со надежта, вербата, плодноста и раѓањето. Затоа и не е чудно што често се користи името „рајски цвет“.
Да потсетиме, Дино Мерлин вториот концерт во Белград го започна со песната „Да шутиш“, а по некое време ѝ се обрати и на многубројната публика
„Во последните осум години, секакви работи ми се случија, но најубавото ми беше тоа што станав дедо. Дедо Дино. Мојата желба е тој да биде добар човек, да биде добар со сите луѓе на светот. Од не знам која причина, навистина му се допаѓа оваа моја песна ‘Ти буди далеко’“, изјави пејачот.
