Цеца Ражнатовиќ синоќа одржа концерт во Спортскиот центар во Пожаревац, пред околу 4.000 посетители. И покрај непријатниот пех што ѝ се случил непосредно пред излегувањето на сцената, концертот поминал во одлична атмосфера.
Настапот требало да започне во 21 часот, но пејачката доживеала неочекуван проблем – ѝ пукнале панталоните, а немала резервна комбинација. Во помош ѝ притекла блиска пријателка, која ѝ ги позајмила своите фармерки.
Со мало задоцнување, Цеца излегла пред публиката и искрено им се обратила:
„Добра вечер, Пожаревац. Мили мои, пред самиот излез на сцената ми се случи НЕШТО – ми пукнаа панталоните, а немав други. За малку ќе излезев во тренерки, а на крајот ѝ ги позајмив фармерките на мојата другарка“, рече таа, што беше проследено со смеа и аплаузи.
Пејачката додаде дека вечерта ќе биде вистинска журка, по што концертот продолжил во одлично расположение.
