Хрватската пејачка Маја Шупут откри дека нејзината врска со Шиме Елез е завршена, истакнувајќи дека веќе извесно време секој од нив живее свој живот. Пејачката во разговор за showbuzz.dnevnik.hr откри и детали од приватниот живот.
„Веќе извесно време секој живее во своја реалност. Знаете како е, секоја приказна има свој почеток и крај, а ние веќе некое време се приближивме до овој вториот дел. Еве, искрено сочувство до медиумите и порталите кои останаа без дневна доза шоу-бизнис вести“, изјавила Маја.
За романсата на Маја Шупут и Шиме Елез почна да се зборува во јули минатата година, откако беа објавени фотографии од нивното заедничко дружење на јахта, а подоцна и самите ја потврдија врската и често споделуваа заеднички моменти на социјалните мрежи.
Иако минува низ промени во приватниот живот, пејачката истакнува дека на професионален план не го забавува темпото. Во моментов, како што вели, целосно е посветена на новите проекти и подготовката на новата песна.
„Сега најголемата возбуда во мојот тим е новата песна. Ќе биде вистински летен хит и големо изненадување, бидејќи станува збор за дует. Можам да ви откријам дека песната се вика ‘Nedovoljno lep’. Веќе две недели работиме само на тоа – од организација до снимање спот, а деновиве почнува и самото снимање. Планот е песната да излезе до крајот на јуни и сите сме целосно посветени на тоа“, открила таа, пренесува Klix.ba.
По веста за раскинувањето Маја Шупут се огласи на социјалните мрежи, и тоа со видео што ги разнежни нејзините следбеници.
Пејачката објави симпатичен момент со синот Блум додека заедно уживаат во хотелски кревет, облечени во бели бањарки и со крпи на главите. Во опуштена атмосфера, мајката и синот грицкаа кроасан и овошје, а видеото брзо го привлече вниманието на обожавателите.
