Во регионалните медиуми како бомба одекна веста дека синот на фолк-ѕвездата Зорица Брунцлик, Ѓорѓе Тутиќ, се разведува од сопругата Вања Тутиќ по цели 15 години поминати во брак.
Вања реши јавно да проговори за сè што се случувало зад затворени врати, откривајќи драматични детали од ноќта кога решила засекогаш да го напушти семејниот дом и што тогаш ѝ забранил нејзиниот поранешен сопруг.
„Му замерувам на Кемиш, но уште повеќе на Зорица како жена, што не почувствуваа потреба да ми се јават и да ме прашаат како сум по сè. Кој си замина? Кому му беше потешко? Јас сакав да им се јавам, но мојот сопруг не го дозволи тоа. Таа ноќ кога си заминував од куќата, сакав да отидам кај нив за да се збогуваме човечки. Му реков: ‘Ајде да отидеме да се поздравиме’. Сакав да ги прегрнам, да им кажам дека и понатаму ќе се слушаме и ќе останеме во контакт… Но, тој ми рече: ‘Немој, знаеш дека мама ќе плаче, ќе има прилика, ќе разговарате’. Таа прилика никогаш повеќе не се случи“, искрена е Вања во изјавата за телевизијата „Hype“.
„Ме шокираа приказните дека сум го изневерила со Аца Лукас“
Покрај семејната драма, во јавноста брзо се раширија гласини дека нивниот брак пукнал поради наводна афера на Вања со познатиот фолкер Александар Вуксановиќ – Аца Лукас. Поранешната снаа на Зорица Брунцлик најостро ги демантираше овие чаршиски муабети, истакнувајќи дека нивната релација е исклучиво деловна.
„Мене тоа тотално ме шокираше. Сфаќам јас сè, бидејќи и мојата работа е да се бавам со туѓи животи, но ова е чиста глупост! Неизмерно го почитувам Аца и му се восхитувам. Него го сакаат жените, шармантен е, духовит и е најголема музичка ѕвезда, но ние едноставно работиме во иста фирма. Лукас издава за продукцијата за која јас работам и сме се сретнале многу пати. Станавме добри колеги, јас сум одела на негови настапи и деловно и приватно, па сосема нормално е да му пријдам и да го поздравам. Мислам дека некој ова намерно го искористи за да ми нанесе штета“, изјави Вања за списанието „Svet“.
