Поп-ѕвездата Мадона, и покрај бројните шпекулации за нејзиното појавување на овогодинешната Евровизија во Тел Авив, сепак дојде во салата „Експо“ и им посака среќа на сите евровизиски претставници. За неа, како што рече, сите се победници.
– Од хотел на проба. Но, не се жалам, ја видов плажата. Прво сакам да кажам дека сите сте победници. А, причината е тоа што сите требаше да сонувате, да се жртвувате и затоа за мене сите сте на врвот. Овде сме собрани од целиот свет. Толку многу земји, а јас сум почестена што со сите овие држави ме спои музиката. Не ја потценувајте моќта на музиката – се обрати Мадона, по што изведе две песни на сцената.
