Лепа Брена искрено зборуваше за тоа како заедно со Боба ги воспитувале своите синови, но и за тоа што денес најмногу ѝ недостасува.
Пејачката призна дека воспитувањето на децата не било лесно, но дека имала силна поддршка од сопругот Боба Живоиновиќ, кој ѝ помагал да се справи со сите предизвици.
„Среќа што за време на растењето на моите синови го имав Боба покрај себе. Тој беше тука да ги решава ‘проблемите’ кои јас ги криев и за кои молчев колку што можев. На децата треба да им се дава љубов, но и мора да научат некои морално-етички кодекси. Треба да знаат што е добро, што е лошо, но не можете вие да ги научите само седејќи дома и испраќајќи ги на училиште. Тие имаат и дел од едукацијата што доаѓа од улицата, од различни слоеви на општеството, така што низ сето тоа поминавме и многу научивме да разговараме за сè. Децата треба да се воспитуваат, но и да се научат да се бранат“, рече Брена.
„Додека беа мали, многу повеќе време поминувавме заедно. Сега секој од нив си го живее својот приватен и професионален живот. Американците имаат објаснување за тоа – кога ќе ви остане ‘празно гнездо’ и кога ќе се чувствувате осамено. Многу ми е тешко кога поминувам покрај нивните соби, но најдов утеха. Сега не сакам да плачам, се сконцентрирав да не кажам нешто што ќе ме однесе во емоција што ќе биде посилна од мене“, откри Брена во емисијата „Практична жена“.
